“Fëmijët të mësojnë nga ty si të masturb*hen?” Pastori përplaset me gazetaren: Kjo është hipokrizi! Jeni patriark i shpifur

Një debat i fortë është zhvilluar sot mes gazetares Zhaklin Lekatari dhe pastorit Akil Pano.

Në studio po diskutohej tema “A kanë edukatë seksuale shqiptarët?” në momentin që kanë nisur replikat.

Teksa pastori po fliste në programin “Shqipëria live” Zhaklin ndërhynte herë pas herë dhe Pano i drejtohet me fjalët: Fëmijët të mësojnë nga ty duke parë videot në Youtube se si të masturbohen?

E pikërisht kjo fjali e acaroi Lekatarin, e cila i kthehet pastorit: “Ju po flisni për turpin, jeni patriark i shpifur. Ju jeni kundër edukimit dhe më mjafton kaq. Në shekullin e XXI dhe një pastor flet kështu. Ju po më zhvlerësoni mua duke përdorur epitete seksuale. Kjo quhet hipokrizi. Sapo e bëri personale. Fëmijët le të mësojnë nga ti për masturbimin”.

Pastori ndërhyn duke thënë: “Në rast se unë do të isha kundër edukimit, nuk do të isha këtu duke folur rreth kësaj teme. Fëmijët e mi nuk do të ishin me mastera. Jam kundër atij lloj edukimi pervers. Të risjellësh njerëzit brenda shpellës që njerëzit dhe feja është munduar ta largojë. Problemi i Zhaklin është se nuk dëgjon”.

Gazetarja shton: “Unë nuk besoj në përralla me zot, se nuk ka frikë nga vdekja si ju. Është më katolik se sa Papa. Pastori në Shqipëri më katolik se sa Papa, kjo është hipokrizi. Ju njoh nga buzëqeshja”.