EMRAT/ “Deklaroni pasurinë” OFL ultimatum 3 “të fortëve” : Keni 48 orë kohë

Ditën e sotme Operacioni Forca e Ligjit i ka nisur me shkrim kërkesat për vetëdeklarimin e pasurisë tre shtetasve me banim në Durrës dhe Vlorë.

Mësohet se ata janë dënuar më parë për disa vepra penale.

Këtë herë “nën shënjestrën” e OFL janë vënë:

Elton (Isa) Ferizi, banues në Durrës, i dënuar për veprën penale “Prodhimi dhe shitja e narkotikëve”;

Ilir Keka, banues në Vlorë, i dënuar për veprën penale “Vjedhja me pasojë vdekjen”, e kryer në bashkëpunim;

Shkelqim Keka, banues në Vlorë, i dënuar për veprën penale “Vjedhja me pasojë vdekjen”, e kryer në bashkëpunim.

“Këta individë, si subjekt i Ligjit Special, duhet t’u përgjigjen me shkrim, brenda 48 orësh, të gjitha pyetjeve të OFL-së dhe më pas, përgjigjet e marra do t’i dërgohen SPAK-ut, për veprime të mëtejshme”, thuhet në njoftimin e OFL.