LIGJET E BIZNESIT
Policia nuk ka akoma një emër konkret si autor të vrasjes së efektivit të FNSH Xhulio Prela, ngjarje kjo e ndodhur dy ditë më parë në fshatin Gajush të Shkodrës.
Disa pista janë kryesore në hetim, por motivi konkret ende nuk është zbardhur.
Mësohet se personi i fundit që takoi të riun pak momente përpara se të ekzekutohej është Pjetër Gavoci.
Ky i fundit po kthehej nga Britania e Madhe dhe u shoqërua nga Rinasi për në banesë, nga 26-vjeçari Xhulio Prela.
Ka qenë po ky i fundit që i kishte kërkuar 26-vjeçarit që ta dërgonte deri në Shkodër.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Kjo për vetë faktin se Prela ishte efektiv policie dhe e kishte më të lehtë të lëvizte në kushtet kur vendi ndodhet në masa të karantinës
Gavoci ka thënë në Polici se menjëherë pasi ka mbërritur në fshatin Kosmaç në banesën e tij, Prela i ka thënë se i duhej të kthehej në Tiranë pasi aty kishte të fejuarën që e kishte lënë vetëm.
Ndërkohë që pikërisht pas kësaj ndarje, Xhulio Prela u ekzekutua në Lezhë.
Lidhur mbi ngjarjen, hetuesit janë kthyer edhe njëherë në vendngjarje, për të analizuar kamerat e bizneseve. Një ditë më parë u raportua se në derën e automjetit të viktimës janë zbuluar gjurmë që mund t çojnë në zbulimin e autorit të ngjarjes, ndërsa nga pamjet filmike të sekuestruara duket se nuk identifikojnë autorin, kjo për faktin se pranë vendit të krimit ka qenë i parkuar një kamion që mbulonte pamjet e kameras.
