LIGJET E BIZNESIT
Dy javë pas ngjarjes që tronditi vendin, Erion Gjore i cili është kolegu i Nevaldo Hajdarajt,efektivit që i mori jetën Klodian Rashës, është rikthyer në detyrë.
Nga ana tjetër vijojnë hetimet për Hajdarajn dhe pritet që Prokuroria të dërgojë dosjen për gjykim sapo të verifikojë nëse efektivi dhe viktima kanë patur më parë njohje.
Nga verifikimi mësohet se nuk ka kryer shkelje dhe ka bërë njoftimin sapo e qëlloi 25-vjeçarin. Sa i përket armës së gjetur në vendgjarje, prokuroria është në pritje të përgjigjes nga laboratorët jashtë Shqipërisë nëse do të marrin përsipër ekspertizën e saj.
Ngjarja e rëndë ndodhi rreth orës 01:00 të datës 08 dhjetor 2020. Kolegu i policit të arrestuar ka treguar gjatë marrjes në pyetje gjithë dinamikën e ngjarjes duke rrëfyer përleshjen e efektivit me Rashën, pas të cilës ndodhën të shtënat që i morën jetën të riut.
Në bazë të akuzave të ngritura deri tani, Hajdaraj rrezikon dënim me burg nga 10 deri në 20 vite. Ai akuzohet për vrasje në kapërcim të kushteve të mbrojtjes së nevojshme.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
