Në mbledhjen e sotme të Komitetit Teknik të Ekspertëve, ministrja e Shëndetësisë Ogerta Manastirliu bëri me dije se në Shqipëri kanë mbërritur 100 mijë teste të shpejta.
Ajo shtoi se duke u nisur nga e hëna, testimi do të nisë në Tiranë, ndërsa pas 20 dhjetorit do të shtrihet dhe në rrethe.
“Testimi do të nisë nga e hëna fillimisht në Tiranë. Kemi siguruar 100 mijë teste, testimi i shpejtë do të nisë në Tiranë. Janë epidemiologët ata që do të vendosin sesi do të kryhen këto teste. Prej datës 20 dhjetor testet e shpejta do të shtrihen edhe në spitalet rajonale.”, deklaroi Manastirliu.
