Drejtori i Pallatit të Kulturës humb jetën nga virusi/ Babai i 3 fëmijëve nuk vuante nga asnjë sëmundje

Humb jetën në moshën 46-vjeçare drejtori i Pallati të Kulturës në Librazhd  Arianit Alliu.

Prej dy javësh ai ndodhej i shtruar në spital në Tiranë pasi ishte infektuar nga k.oronavirusi, por nuk ka mundur që ta fitojë dot betejën.

Mësohet se babai i tre fëmijëve nuk vuante nga asnjë sëmundje bashkëshoqëruese.

Arianit Alliu ishte një nga figurat më të njohura dhe të dashura për të gjithë  Librazhdin dhe më gjerë.

Pjesëmarrës në shumë festivale në Shqipëri, Diasporë, Ballkan, Europë deri në Azinë e largët dhe kudo,një drejtues i Festivalit të Valles Dyshe në Librazhd në vitin e kaluar,një festival i ideuar nga mjeshtri Sadi Halili,pjesëmarrës i festivalit të madh mbarëkombëtarë mbarëshqiptarë “Këngë Jeho”, në Strugë në shtator 2020 ku fitoi çmimin e Parë,medalje Ari.Gëzonte respekt kudo në të gjitha hapësirat mbarëshqiptare dhe më gjerë.