“Doja që familjarët e Klodianit të ishin këtu t’ju kërkoj falje publike”, efektivi i Shqiponjave qan në seancë, jepet vendimi ndaj tij

Efektivi i Shqiponjave, Nevaldo Hadëraj është shfaqur i penduar në ambientet e gjykatës.

Ai ka kërkuar që në seancën e dhënies së masës së sigurisë të ishin të pranishëm edhe familjarët e Klodian Rashës, në mënyrë që t’ju kërkonte ndjesë publikisht.

“Kam vrarë një njeri, merrni ç’masë të doni. Dua të jetë edhe familja e tij këtu, t’ju kërkoj ndjesë publike”, është shprehur i riu nga Gjykata e Tiranës.

Përgjatë gjithë seancës ku u dha masa e sigurisë “arrest me burg”, polici nuk e ka ngritur kokën lart dhe gjatë gjithë kohës ka qëndruar me sytë poshtë.