Avokati i njohur: Turp! Policia u vesh me simbolet turke dhe dhunoi qytetarët shqiptarë

Avokati Adriatik Lapaj ka denoncuar dhunën që u bë nga policia në protestë ditën e djeshme. Në një postim në Facebook, Lapaj ka publikuar disa nga ligjet shqiptare, që provojnë sipas tij se shteti dhe policia shkelën ligjin njëkohësisht. Në ligjet që ka cituar ai ka thënë se punonjësi i policisë nuk duhet që të ushtrojë dh.unë kundër njerëvze. Më tej, ai ka prekur edhe rastin e veshjes së policisë ku efektivët tanë kishin veshur uniforma të Policisë turke dhe se kanë modifikuar simbolet tona policore me ato të turqve.

POSTIMI I PLOTË: PSE E SHKELNI LIGJIN?

Dje në mënyrë demonstrative u shkel ligji nga ana e shtetit dhe konkretisht:
Ligji Nr. 108/2014 “Për Policinë e Shtetit” në nenin 98 pika 1 dhe 3 përcakton si më poshtë:
“1. Punonjësi i policisë i kryen detyrat për ruajtjen e rendit dhe të sigurisë publike me
uniformën dhe shenjat e përcaktuara me vendim të Këshillit të Ministrave. Uniforma dhe shenjat dalluese të policisë përdoren vetëm gjatë shërbimit ose për shkak të tij. Struktura të veçanta të policisë trajtohen me veshje civile ose kompensim financiar.
3. Mbajtja dhe përdorimi i uniformës përcaktohen në Rregulloren e Policisë.”
Në zbatim të ligjit është nxjerrë “Rregullore e Policisë së Shtetit” e cila në nenin 37 pika 6 përcakton si më poshtë:
“Punonjësve të policisë u ndalohet:
a) të përdorin veshje policore të policive të vendeve të tjera;
b) të heqin simbolet, emblemën, gradat, stemat sipas shërbimeve të policisë,
shenjat dalluese etj. nga uniformat që kanë në përdorim;
c) të modifikojnë pjesë të veshjes policore;
ç) të përdorin simbolet, emblemën, gradat, stemat sipas shërbimeve të
policisë, shenjat dalluese etj., të pa miratuara për veshjen policore.”
Sa më sipër rezulton të jetë shkelur ligji. Ndonjë do mbajë përgjegjësi apo nuk ka problem? Ligji bëhet vetëm për qytetarët në këtë vend? Nëse është kështu, të paktën ta shkruajmë dhe të mbledhim mendjen.
P.s fotot me uniformë i mora nga rrjeti.