A mund ta gjeni dot kush është kjo vogëlushe? Sot ka bërë krenare Shqipërinë në të gjithë botën

Ajo është një nga këngëtaret më të njohura shqiptare në mbarë botën.

Bëhet fjalë për Rita Orën, yllin e muzikës që e ka bërë krenar vendin tonë që në fillimet e karrierës së saj.

Ndërkohë pak kohë më parë bukuroshja festoi 30 vjetorin e lindjes.

Mes urimeve të shumta nuk mungonte as ai i nënës së saj, Verës.

Kjo e fundit ndau një foto të vjetër të Ritës dhe përmes saj tregoi gjithë historinë e jetës së tyre.

Vera rrëfeu se kur lëvizën drejt Mbretërisë së Bashkuar nuk kishin asgjë, përveç njëri-tjetrit si familje. Më pas ajo u shpreh se sot Rita është kthyer në një shembull perfekt për të gjitha vajzat se ëndrrat mund të bëhen realitet me shumë punë.

Ndërkohë edhe vetë Rita është bërë nostalgjike dhe ka ndarë disa foto shumë të ëmbla nga faza të ndryshme të fëmijërisë.

Në njërën prej fotove shihet se ajo sapo është ngritur në këmbë, ndërsa në disa të tjera shfaqet pranë motrës së saj më të madhe, Elena.

Rita ka ndarë një mesazh me shumë rëndësi me ndjekësit me rastin e publikimit të këtyre fotove.

“Mendoj se gjithmonë kam qenë e fiksuar me veshjet si fëmijë. Jam shumë e lumtur që mund të ndajë këto me ju. Jeta kalon shumë shpejt, kështu që jetoni jetën më të mirë edhe në këto kohë përpiquni dhe gjeni lumturi edhe në diçka të tillë si një fotografi!”, shkroi Rita.