A do të vaksinohen personat që kanë kaluar virusin? Brataj tregon programin sesi do veprohet

Shefi i Urgjencës Kombëtare, Skënder Brataj ka folur rreth situatës së pandemisë nga Co vid-19.

Brataj është shprehur se tani më nuk ka proritet testimet si në mars, por kanë të sëmurët në terapi dhe pajisjet.

Ai ka folur edhe për mënyrën dhe programinim sesi do të funksionojë vaksinimi.

Brataj ka treguar se do të vaksinohen ata persona që kanë sëmundje të tjera, pavarësisht moshës dhe moshat e treta.

Ndërsa pyetjes nëse do të vaksinohen personat që e kanë kaluar Covid-19, Brataj është shprehur se ata kanë imunitete dhe do të vaksinohen nëse pandemia e Covid do të jetë sezonale.

“15% e popullsisë do të vaksinohet e para. Ka një plan strategjik ka një program një rregullore, kush e bën dhe si do të behet. Të gjithë ata që janë të rrezikuar të bëjnë vaksinën. Është thënë se do të vaksinohen mosha 50 ose 60 vjeç, do të vaksinohen ata që kanë sëmundje të tjera dhe mosha e tretë. Teorikisht nuk ka senc që ai që ka kaluar Covid të bëj vaksinën. Do të thotë që ka imunitet. Nëse kjo pandemi do të bllokohet ai që është imunizur nuk ka nevojë të bëjë vaksinën, nëse paraqitet si epidemi sezonale aty ka senc që të vaksinohen në sezonin e ardhshëm,” tha Brataj ndër të tjera.