A do mbyllet vendi gjatë festave të fundvitit? Situata alarmante nga virusi, flet shefja e ISHP-së

Situata e pandemisë së Co vid-19 vijon të jetë alarmante në vendin tonë.

Në 24 orët e fundit, Ministria e Shëndetësisë bëri me dije se kanë rezultuar pozitiv 787 persona, ndërkohë që humbën jetën 15 persona.

Situatë që ka hedhur hije dyshime se festat e fundvitit në vendin tonë të festohen nën masa të rrepta anti-Covid.

Shefja e Departamentit të Epidemiologjisë pranë ISHP-së, Silva Bino, ka folur në Euronews Albania rreth pandemisë në vend dhe masat të cilat do të merren për menaxhimin e virusit.

Bino pranoi se situata po shkon drejt qetësimit pasi numrat janë drejt rënies, por i kërkoi qytetarëve që të shmangin udhëtimet nga një vend në tjetrin dhe se një vendim më i saktë do të merret në një takim të ekspertëve të programuar për ditën e premte.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

“Situata jonë është e njëjtë me të gjithë vendet e Ballkanit dhe aktualisht Ballkani ka një rënie të numrit të rasteve, por domethënë situata jonë është e ngjashme me vende të tjera të Ballkanit. Kjo do të varet nga shifrat, janë masat që po ndiqen kohë pas kohë. Ne nesër do të kemi një rivlerësim të javës se si ka shkuar, dhe dyjavëshit që ka shkuar, dhe në këtë mënyrë do të vendosim në drejtim të masave më shtrëngese apo jo”,

“Nga vendimet që do të merren, ajo çfarë unë do të thoja është që qytetarët të jenë të përgjegjshëm vetë, që të mënjanojnë udhëtimet nga një qytet tek tjetrit gjatë festave, sepse kjo shkakton grumbullime dhe transportim të virusit nga një qytet në tjetrin. Sa më pak njerëz të qëndrojmë në shtëpitë tona dhe t’i festojmë me familjet tona festat, aq më mirë do të jetë në drejtim të kontrollit të virusit”, tha Bino.