LIGJET E BIZNESIT
Kompania “Pfizer” dhe “BionTech” do të kërkojë të marrë aprovimin për të nxjerrë në treg vaksinën anti-C.ovid19 brenda pak ditëve.
Analizat treguan pas fazës së 3 përfundimtare se vaksina ishte 95% efektive në parandalimin e infeksioneve, madje është rritur dhe mosha e personave që mund të kurohen, pasi nuk jep efekte anësore te mosha e tretë.
Gjithsej u grumbulluan rreth 170 vullnetarë për të marrë pjesë në provën e tyre, të cilët morën vaksinën me një efikasitet prej 95%, sipas Pfizer.
Të dhënat tregojnë rritjen e efikasitetit fillestar të vaksinës nga Pfizer për një efikasitet më të lartë se 90% , një arrtije që shkencëtarët kanë mbetur të habitur dhe të kënaqur nga zhvilli i vaksinave prej javës së kaluar.
“Efikasiteti ishte i qëndrueshëm ndërmjet moshës, racës dhe etnisë demografike. Efikasiteti i vërejtur tek të rriturit mbi 65 vjeç ishte mbi 94%,” thanë Pfizer dhe partneri i saj gjerman BioNTech në një deklaratë të përbashkët.
Pfizer ka të dhëna të mjaftueshme të sigurisë në lidhje me vaksinën e saj të koronavirusit dhe po përgatitet të paraqesë për autorizimin e FDA, theksojnë pranë kompanisë.
Një grup i pavarur ka mbikëqyrur rezultatet dhe efektet anësore. “Deri më sot, Komiteti i Monitorimit të të Dhënave për studimin nuk ka raportuar ndonjë shqetësim serioz të sigurisë në lidhje me vaksinën,” theksoi kompania.
Pfizer tha se do të kërkojë autorizimin e përdorimit të urgjencës të Administratës Amerikane të Ushqimit dhe Barnave brenda disa ditëve. Ku priten të prodhohen 50 milionë doza vaksinash për 2020 dhe rreth 1.3 miliardë doza të vaksinës anti Covid në 2021.
“Bazuar në parashikimet aktuale, kompanitë presin të prodhojnë globalisht deri në 50 milion doza vaksinash në 2020 dhe deri në 1.3 miliardë doza në 2021,” thanë ata.
