Dalin detaje të reja nga ngjarja e rëndë që ndodhi rreth orës 03:10 të mëngjesit të sotëm në spitalin ‘Shefqet Ndroqi’, ku një pacient i infektuar me COVID19 u hodh nga kati i katërt dhe si pasojë humbi jetën.
Ai u identifikua si 52-vjeçari Preng Gjonaj me origjinë nga Tropoja.
Sipas informacioneve viktima ishte prej rreth një jave i shtruar në këtë spital dhe në katin e katërt qëndrojnë ata që janë më të rënduar nga ana psikologjike.
Nga dyshimet paraprake thuhet se vetëvrasja është kryer në kushtet e një gjendjeje të rënduar psikologjike, edhe pse i ndjeri mësohet se më herët nuk ka patur probleme të shëndetit mendor.
Hetuesit do të kryejnë një analizë më të thelluar të kartelës mjekësore të tij.
Ky është rasti i tretë që një pacient i këtij spitali hidhet nga lartësia, duke gjetur vdekjen. Disa javë më parë, dy shtetas të tjerë të shtruar në Covid 2, pësuan të njëjtin fat.
Ndërkohë hetuesit do të kryejnë një analizë më të thelluar të kartelës mjekësore të tij.
Ky është rasti i tretë që një pacient i këtij spitali hidhet nga lartësia, duke gjetur vdekjen. Disa javë më parë, dy shtetas të tjerë të shtruar në Covid 2, pësuan të njëjtin fat.