LIGJET E BIZNESIT
Djali i aktorit të njohur Koço Devole, në një prononcim për News 24, ka prekur me rrëfimin e tij kushtuar babait.
Genci Devole tha se Koço ishte një baba dhe burrë i mrekullueshëm.
“Ishte një baba i mrekullueshëm. Një prind i jashtëzakonshëm, prind i përkryer. E adhurojnë mbesat dhe nipërit, bashkëshort i devotshëm. Vepra e tij…. më mungojnë fjalët. Një boshllëk i jashtëzakonshëm.”, tha ai.
Varrimi Koço Devoles
Babai juaj nuk ka bërë kompromise me pushtetin. Çfarë ju ka mësuar?
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Kompromisin po. Ai besonte se një artist, madje shprehej se; një artist s’duhet të ngatërrohet me politikën që të kujtohet si i tillë. Po i ngatërrove me politikën, do humbasësh vlerat..
Thuhet se ai iku nga kjo jetë ne një shtëpi me qira, pasi besonte tek drejtësia…
Virtyti i kujt është kjo, drejtësia. Mund të jetë virtyt… i drejti mund të jetë (shfryn). Mund ta quajmë budallallëk drejtësinë. Ai është i pastër dhe i qetë me shpirtin e tij.
Familja po mban sot homazhe private me miq e familjarë të afërt, ndërkohë që trupi i pajetë i Koço Devoles do të përcillet në orën 13:00 për në banesën e fundit.
