“Trokisja dhe u thoja a keni nevojë për pastruese” Mes lotësh, Ana rrëfen periudhën e vështirë të jetës së saj

Puntata e programit “Përputhen” nisi sot ndryshe nga ajo që shikuesit kanë parë zakonisht.

Njëra prej konkurenteve, Ana, nisi të qajë në studio.

Por fillimisht duhet shpjeguar ajo që ndodhi më parë.

Ana dhe Blerimi bënë një takim bashkë ku lindën debatë të shumta.

Gjatë bisedës, Ana e pyeti Blerimin sesi dukej si kameriere, ndërkohë që Blerimi i tha se meritonte më shumë.

Kjo deklaratë e tij nxiti diskutime edhe në studio mes konkurrentëve dhe opinionistit, pasi deklarata e Blerimit u pa si e pavend.

Duke dashur të vërtetojë të kundërtën, Ana rrëfeu edhe vështirësitë që ka kaluar dikur, duke bërë edhe tre punë. Ajo tha se ka kaluar një fëmijëri të vështirë, ku ka bërë shumë punë të ndryshme, teksa u përlot. 24-vjeçarja rrëfeu se edhe pse një fëmijë tepër e vogël, trokiste në dyert e shtëpive, duke kërkuar punë si pastruese. Ajo u shpreh se nga punët që bënte dikur, ka arritur diçka modeste në jetë, por është krenare për punët që ka bërë dhe gjithçka që ka arritur.

“E kam nisur nga shitëse në butik, duke shituar lakra në treg, që në 8 vjeç. Sot kam makinën time, kam një dyqan modest, i kam bërë të gjitha llojet e punëve. Unë i mbështes fort ata që punojnë. Kam bërë rolin e pastrueses. Trokisja në dyer dhe thoja që a keni nevojë për pastruese, nuk është turp të bësh punë të ndershme. Puna është nder, rëndësi ka të jesh e fortë për veten”, tha Ana.