LIGJET E BIZNESIT
Duket se pandemia në vendin tonë nuk ka të ndalur përsa i përket fataliteteve që po shkakton.
Një tjetër lajm i hidhur vjen sot, por këtë rradhë në fushën e arsimit.
Mësohet se pedagogia e njohur e fakultetit të Ekonomisë në Universitetin e Tiranës Irena Bogdani ka humbur jetën pas infektimit nga virusi.
Lajmin e ka dhënë ministrja e Arsimit Evis Kushi.
“Shumë e pikëlluar për humbjen e saj të parakohshme nga virusi i pabesë dhe shpreh ngushëllimet më të sinqerta për familjarët dhe gjithë të afërmit e saj”, shkruan ajo mes të tjerash.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Lidhur me ndarjen nga jeta të Bogdanit, ka shprehur ngushëllime dhe Universiteti i Tiranës.
Prof.Assoc. Irena Bogdani lindi më 7 Gusht 1958 në qytetin e Durrësit. Në vitin 1981 u diplomua me rezultate të shkëlqyera si “Ekonomiste për kontabilitetin”. Që prej vitit 1982, lektoi në Fakultetin e Ekonomisë, të Universitetit të Tiranës.
Ajo ishte titullare dhe lektore e lëndës “Kontabilitet Publik” në Fakultetin e Ekonomisë që prej vitit 1994, titullare dhe lektore e lëndës “Kontabilitet” në Fakultetin e Shkencave të Natyrës që prej vitit 1995, lektore e lëndës “Kontabilitet financiar ” në degën Ekonomiks dhe lektore e lëndës “Kontabilitet” në Fakultetin e Drejtësisë dhe në shkollën e Magjistraturës. Po ashtu, autore e teksteve mësimore, e shumë artikujve shkencorë si dhe e kumtesave në konferenca shkencore kombëtare dhe ndërkombëtare.
