LIGJET E BIZNESIT
Situata e krijuar nga pandemia në vendin tonë, me shifra të larta të të infektuarve por dhe viktimave, ka bërë që të reagojnë shumë figura të njohura në rradhën e bluzave të bardha.
Një prej tyre është dhe mjeku Erion Dasho, ekspert i Shëndetit Publik.
Ai ka deklaruar se mbylljet dhe karantinimet e pjesshme janë një eksperiment i dështuar.
I ftuar në “Ora News”, eksperti ka theksuar se mënyrat për të pasur nën kontroll pandeminë janë “përafrimi “Testo-Gjurmo-Trajto” që e kanë në përgjegjësi ministritë e Shëndetësisë dhe përafrimi tjetër “Maskë-Izolim-Distancim” që e kanë përgjegjësi ta zbatojnë qytetarët”
Dasho: Duhet ti lëmë këto praktika që nuk bëjnë sens. Virusi nuk njeh fundjava, ashtu si në Shqipëri nuk njihte orën, siç bëmë ato eksperimentet e dështuara gjatë pranverës.
Si qeveria e Shqipërisë ashtu edhe ajo e Kosovës, dy ministritë e Shëndetësisë duhet të nisin të mësojnë nga praktikat e mira të botës dhe të mësojnë të kujdesen për jetët e qytetarëve.
Të lënë ekperimentet e deshtuara, të lënë populizmat, të lënë demagogjitë dhe t’i shtrohen punës, sepse nuk është kjo mënyra se si kontrollohet Covidi. Është përafrimi “Testo-Gjurmo-Trajto” që e kanë në përgjegjësi ministritë e Shëndetësisë dhe përafrimi tjetër “Maskë-Izolim-Distancim” që e kanë përgjegjësi ta zbatojnë qytetarët.
Nëse nuk zbatohen paralelisht nuk ka kontroll të Covidit.
