Tërmeti i fortë tundi vendin/ Ministria e Mbrojtjes jep informacion: Ja sa ishte magnituda dhe epiqendra

Pas tërmetit që ra sot në orën 15:25 ministria e Mbrojtjes ka dalë me një informacion zyrtar.

Duke iu referuar IGJEUM, bëhet me dije se lëkundja u regjistrua me epiqendër në Gostivar, në Maqedoninë e Veriut dhe kishte një magnitudë 5 të shkallës Rihter.

“Sipas informacioneve paraprake nga IGJEUM, në orën 3.25 pm sot është regjistruar tërmet me magnitudë 5 të shkallës rihter me epiqendër në Gostivar, në Maqedoninë e Veriut”.

Kjo lëkundje vjen pas tërmetit të mëngjesit “të orës 3.54 am që ka qenë 5.1 i shkallës rihter”, thekson Ministria.

Mësohet se thellësia e tërmetit ka qenë 10 km dhe është ndjerë në një territor shumë të gjerë, duke u shtrirë deri në Shqipëri.