“Të shmanget përshkallëzimi i situatës”Meta i drejtohet Ramës me mesazhin urgjent

Presidenti Ilir Meta i ka bërë një thirrje të fortë qeverisë Rama.

Kreu i Shtetit ka kërkuar që të vendoset menjëherë një dialog me gratë greviste në Ballsh që situata të mos përshkallëzohet dhe më tej dhe të ketë pasoja të rënda.

“Është tepër e domosdoshme dhe bëj thirrje për vendosjen e menjëhershme të dialogut mes Qeverisë dhe grave greviste e naftëtarve për një zgjidhje sa më të pranueshme të kërkesave të drejta të tyre, për të shmangur përshkallëzimin e situatës me pasoja për shëndetin e grevistëve.

Është shumë e rëndësishme të bëhet çdo përpjekje, pa vonesa të metejshme, për një trajtim të përgjegjshëm shtetëror dhe njerëzor të kësaj çështje, me qëllim zgjidhjen e kësaj situate të rëndë sociale dhe humanitare përpara se të përballemi me probleme shëndetësore që mund të rrezikojnë jetën e të ngujuarve.”, shkruan Meta.