“Të ishin këta në qeveri, veç Zoti do i mëshironte njerëzit” Pjerin Ndreu nuk përmbahet, ‘shpërthen’ keq ndaj opozitës

Pas akuzave të Partisë Demokratike se familjet e prekura nga tërmeti janë braktisur, ka ardhur dhe reagimi i kryetarit të Bashkisë Lezhë Pjerin Ndreu.

Ky i fundit thekson se gjatë qeverisjes së të djathtëve, Shkodra është përmbytur 5 herë dhe banorët jo vetëm që nuk morën dëmshpërblim asokohe, por janë duke marrë para tani nga qeveria Rama.

“5 herë për një vit ju përmbyt Shkodra këtyre të PD kur ishin në qeveri! Le që nuk bënë gjë prej gjëje nga rasti i parë në të pestin, por nuk ju dhanë kokërr leku banorëve si dëmshpërblim. Lekët i miren me qeverinë Rama nëfakt…

Këta që dinë të “zgjidhin” çdo situatë si ajo e Shkodrës, kanë lëshu gojën për tërmetin. Të ishin këta në qeveri, Zoti veç do i mëshironte mijëra njerëz që sot janë në kujdes të plotë!

CV e këtyre flasin kuturu është e zezë, ndaj askush se do një model si ata!”, shkruan Ndreu i revoltuar në rrjetet sociale.