Shpërthimi i fuqishëm/ Kush është biznesmeni nga Tirana, pronar i objektit në ndërtim ku ndodhi ngjarja

Mbrëmjen e ndjeshme një shpërthim i fuqishëm ka ndodhur në Lezhë.

Mësohet se një sasi lënde plasëse është vendosur në një objekt në ndërtim, në pronësi të një shtetasi nga Tirana.

Sipas informacioneve, bëhet fjalë për biznesmenin Liman Gjoka.

Ndërkohë policia ka dhënë dhe detajet për ngjarjen në fjalë.

“Rreth orës 20:45, në rrugën e Shengjinit, në një objekt në ndërtim  në pronësi të shtetasit L.Gj., banues në Tiranë, ka shpërthyer një sasi e vogël dyshohet lëndë plasëse, ku si pasojë ka vetëm dëme të vogla materiale. Menjëherë në vendngjarje kanë shkuar forcat e Policisë dhe grupi hetimor ku vijon veprimet për sqarimin e rrethanave të ngjarjes, identifikimin dhe kapjen e autorit”, thuhet në njoftimin zyrtar.

Në kuadër të hetimeve, janë sekuestruar pamjet e kamerave të sigurisë së bizneseve pranë objektit në ndërtim, për të shkuar në gjurmët e autorëve.

Liman Gjoka, sipas të dhënave në QKB, rezulton të jetë pronar i vetëm i “Amfora SHPK”, me aktivitet “Import-Eksport, veprimtari ne fushën e ndërtimit dhe prodhime të materialeve në fushën e ndërtimit”.