Rikthehet Fatos Nano? “Sali Berisha dhe Fatos Nano do krijojnë parti të re, ja si do quhet”

E ndërsa vendi po përballet me një sërë problemesh në çdo cep të tij, ish-pushtetarët dhe ish-politikanët duket se me afrimin e zgjedhjeve po krijojnë parti të reja. Së fundi aludohet edhe krijimi i partisë “Shpresë për të Ardhmen” e cila pritet të prezantohet nën drejtimin e dy njerëzve të njohur në politikë, Sali Berishës dhe Fatos Nano. Lidhur me këtë bashkëpunim për të vënë në lëvizje këtë forcë politike, ka reaguar edhe gazetari i njohur Mentor Kikia. Ky i fundit, përmes një postimi në rrjetin social “Facebook”, citon se kjo parti synon shkatërrimin e kastës së korruptuar të politikës 30 vjeçare shqiptare.

Mentor Kikia shkruan:

Ja që ka ende shpresë në këtë vend….Në vazhdën e lindjes së forcave të reja politike si shpresa të të ardhmes, mësova nga burime konfidenciale se është duke u organizuar edhe një parti e re politike, po e re fare. Sali Berisha dhe Fatos Nano janë duke u bërë bashkë në lëvizjën politike “Shpresë për të Ardhmen”.Kauza kryesore e kësaj partie është lufta kundër korrupsionit, lutë kundër monopoleve në ekonomi, kthimi tek populli i të gjitha pasurive që u janë dhënë me koncension oligarkëve, dhe mbi të gjitha shkatërrimin e kastës së korruptuar të politikës 30 vjeçare shqiptare.Mësohet se partia e re do ti adresohet moshës së re, 18 – 28 vjeç, duke qenë se është parti e shpresës dhe frymëzimit rinor.Një sondazh paraprak tregon se shqiptarët e shikojnë partinë e re të Nanos dhe Berishës me shumë optimizëm dhe si forcën politike që do të kthejë shpresën tek të rinjtë.P.S: S’na mbetet veçse të bëjmë edhe humor me të zezën tonë.