Rëndohet situata/ Ky shtet europian rikthen gjendjen e jashtëzakonshme, ja masat e reja anti-COVID19

Për shkak të shifrave të larta të të infektuarve nga pandemia, një shtet tjetër ka vendosur të rikthejë gjendjen e jashtëzakonshme.

Bëhet fjalë për Hungarinë, ku kryeministri Viktor Orban ka bërë të ditur se masat do të hynë në fuqi në mesnatë dhe do të zgjasin 90 ditë.

Për pasojë do të mbyllen klubet e natës dhe do të vendosë një shtetrrethim po natën për të frenuar përhapjen e virusit, theksoi ndër të tjera kreu i qeverisë hungareze.

Orban shtoi se qeveria do të ushtrojë një kontroll më të rreptë në vendet e argëtimit, të tilla si kinematë, teatrot dhe eventet sportive, për t’u siguruar që audienca të ndjekë masat e parashikuara për distancimin shoqëror dhe mbajtjen e maskave.

Nëse këto protokolle nuk ndiqen, policia ka autoritet të ndërhyjë, të gjobisë dhe madje të mbyllë vendet nëse është e nevojshme.

Qeveria gjithashtu do të “rrisë frekuencën e transportit publik në mëngjes dhe gjatë orës së pikut të mesditës” për të shmangur mbipopullimin, shtoi Orban.