“PS është parti e madhe” Habit deputeti i opozitës: Unë do zgjedh rrugën më të mirë për në parlament

Një deklaratë e papritur vjen nga deputeti i opozitës së re Nimet Musai.

Ky i fundit e ka shprehur hapur dëshirën e tij për të garuar nën listën e Partisë Socialiste.

Ai thekson se nuk ka ende një ofertë nga socialistët dhe shton se nuk ka biseduar as me Myslym Murrizin për tu bashkuar me partinë e tij.

“Nuk kam biseduar me Murrizin. Partitë politike po kërkojnë qytetarët apo intelektualët që kanë votat. Partitë politike po kërkojnë banorët e atyre zonave që kanë mbështetje në publik. Asnjëherë nuk kam thënë dhe nuk kam premtuar që të jem deputet i PS-së.

Unë do të zgjedh rrugën më e mirë për të shkuar në Parlament. PS është parti e madhe dhe pret shumë deputetë. Unë nuk kam një ofertë nga PS por nuk është e pamundur.

Unë po pres që të kalojnë të gjithë reformat. Jam mbështetës i gjithë qytetarëve të Fierit. Kudo që shkoj, që dal në bisedat që bëj, qytetarët dua figura të reja. Prurje të reja që kanë mbështetje në këto qytete” – tha Musai në një intervistë për Report Tv.