“Prokuroria të nisë hetimet” Ish-deputetja bën thirrjen urgjente: Mjeket po përdoren në mënyrën më të shëmtuar

Ish-deputetja e Partisë Demokratike Oriola Pampuri ka bërë së fundmi një thirrje të fortë.

Ajo është shprehur se Prokuroria duhet të nisë sa më shpejt hetimet në lidhje me numrin e vdekjeve për shkak të pandemisë, pasi disa ditë më parë Basha nxorri një listë, që sipas tij nuk korrenspondonte aspak me numrin e viktimave të raportuara nga Ministria e Shëndetësisë.

“Ajo që Basha deklaroi para pak ditësh ishte një akuzë shumë e rëndë, por nuk u mor asnjë masë që të shkonte prokurori. Ne kemi kërkuar hetim. Deri tani nuk ka shkuar askush të hetojë shifrat që u bënë publike. Ne kemi kërkuar rritje të numrit të testimeve dhe kërkesa të tjera, por nuk është bërë asgjë. Kjo është arsyeja që jemi përballë një fakti të tillë, ku qeveria tenton të fsheh shifrat e personave që humbin jetën, vetëm për të treguar se situata është në kontroll, por vetëm nën kontroll nuk po e mban situatën kjo qeveri. I bëj thirrje prokurorisë, të nisë sa më shpejt hetimet.

Më tej, Pampuri u shpreh se kryeministri po përdor mjekët për politik.

“Kemi qenë krah mjekëve dhe Edi Rama po i përdor në mënyrën më të shëmtuar, po i përdor për lojën e tij politike”, është shprehur ndër të tjera Pampuri.