Përfundoi në polici pasi nuk mbante maskë, lihet i lirë Kastriot Islami. Zbulohet çfarë iu tha efektivëve

Pas shoqërimit në komisariatin nr.2 në Tiranë, mësohet se ish-deputeti Kastriot Islami është lënë i lirë.

Ai është mbajtur aty për më shumë se një orë.

Shoqërimi i Islamit është bërë tek Diga e Liqenit në Tiranë.

Mësohet se ai ka debatuar me efektivët, pasi këta të fundit i kanë kërkuar kartë identifikimi, ndërkohë që ish-deputeti nuk i është përgjigjur kësaj kërkese.

Ismali iu ka thënë se ka qenë duke bërë vrap nga liqeni, e se në aktivitetet sportive nuk është e detyrueshme maska dhe se për këtë arsye, nuk ka pasur edhe dokument identifikimi me vete

Policia shprehet se do të bëhet kallëzim ndaj ish-deputetit për “kundërshtim të forcave policore”. Ndërsa, Islami pretendon se deklaratat e efektivëve nuk janë të vërteta.