LIGJET E BIZNESIT
Pandemia ka pushtuar botën që prej një viti tashmë.
Ndërkohë që situata mbetet ende serioze me shifra të larta të infektuarish dhe humbje jete, një deklaratë e fortë ka ardhur së fundmi nga kancelarja gjermane Angela Merkel.
Sipas kësaj të fundit, gjendja në Gjermani vijon të jetë shqetësuese.
Ditën e sotme ajo u shpreh se kufizimi i kontakeve mes njerëzve ka qenë një nga vendimet më të vështira që ajo ka marrë gjatë detyrës së saj 15 vite si kancelare.
Duke folur në një forum ekonomik të organizuar nga gazeta e përditshme gjermane Sueddeutsche Zeitung, Merkel paralajmëroi se 2021 do të ishte vit “kërkues”.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
“Mënyra për të dalë nga kriza është e mundimshme dhe na takon të gjithëve ta bëjmë të mundur”, tha Merkel, duke shtuar se Gjermania do të kishte sukses me” konsideratë, këmbëngulje, arsye dhe besim”.
Kancelarja gjithashtu foli për vaksinën e zhvilluar bashkërisht nga kompania gjermane BioNTech dhe gjigandi farmaceutik amerikan Pfizer, për të cilin mendohet se ishte më shumë se 90% efektiv. Merkel tha se ishte e lumtur që kishte vaksina që po bëjnë përparim.
