Pandemia bën ‘kërdinë’ në Shqipëri/ Sërish rekord të infektuarish dhe viktimash në 24 orë

Pandemia vijon të krijojë shifra shqetësuese në vendin tonë.

Sipas njoftimit të ministrisë së Shëndetësisë gjatë 24 orëve të fundit kanë humbur jetën 11 qytetarë dhe kanë rezultuar pozitivë 507 të tjerë.

Deri më tani 590 veta kanë ndërruar jetë si pasojë e virusit.

NJOFTIMI ZYRTAR I MINISTRISE SE SHENDETESISE

COVID19/ Ministria e Shëndetësisë: 2384 testime, 140 të shëruar, 507 raste të reja dhe 11 humbje jete në 24 orët e fundit

Ministria e Shëndetësisë dhe Mbrojtjes Sociale ju bën thirrje të gjithë qytetarëve të respektojnë rregullat e higjienës, distancimit fizik dhe mbajtjen e maskës në çdo ambient jashtë shtëpisë.

Ju rikujtojmë se duke filluar nga sot kanë hyrë në fuqi masat e reja. Do të kufizohet lëvizja e qytetarëve në të gjithë vendin nga ora 22:00 deri në 06:00 dhe në të njëjtin orar do të jenë të mbyllura baret, restorantet, lokalet përveç shërbimit delivery (shërbimi në banesë).

Në 24 orët e fundit, në vendin tonë janë kryer 2,384 testime, prej të cilave 520 janë testime jnë kryer për arsye depistimi.

Kanë rezultuar pozitivë , 507 qytetarë në 24 orët e fundit. Rastet pozitive të konfirmuara në 24 orët e fundit janë identifikuar në këto bashki:

295 raste në Tiranë, 45 në Durrës, 27 në Fier, 25 në Krujë, nga 19 raste në Elbasan, Berat, 16 në Librazhd, 12 në Vlorë, 11 në Pogradec, 10 në Korçë, 7 në Gjirokastër, 6 në Kavajë, nga 4 raste në Devoll, Has, 3 në Sarandë, nga 2 raste në Kukës, Përmet.

Në 24 orët e fundit janë shëruar 140 qytetarë, duke e çuar numrin e të shëruarve 12,493 që nga fillimi i epidemisë.

Aktualisht në 3 spitalet, po trajtohen 363 pacientë, 18 në terapi intensive, nga të cilët 5 të intubuar.

Me gjithë përpjekjet e mjekëve, në 24 orët e fundit, kanë humbur jetën 11 qytetarë në spitalet:

Një 43 vjeçar nga Gjirokastra, një një 58 vjeçar nga Peqini, një 66 vjeçar nga Pogradeci, një 48 vjeçar nga Fieri, një 68 vjeçar dhe një 78 vjeçar nga Berati, një 53 vjeçare dhe një 78 vjeçare nga Korça, një 70 vjeçare nga Elbasani, një 78 vjeçare, dhe një 85 vjeçar nga Tirana.

Ministria e Shëndetësisë dhe Mbrojtjes Sociale i drejtohet të gjithë qytetarëve që janë të konfirmuar ose në pritje të përgjigjes së testit, të qëndrojne të izoluar, duke respektuar detyrimin e vetekarantinimit. Për çdo shenjë të sëmundjes duhet të kontaktoni mjekun tuaj të familjes. Nëpërmjet linjës së gjelbër falas 0800 40 40 mund të lidheni me mjekun e familjes dhe të merrni informacionin e nevojshëm.

Urgjenca Kombëtare është 24/7 në shërbim të pacientëve. Telefononi 127 nëse dyshoni se jeni të prekur nga virusi dhe për çdo urgjencë mjekësore.

Statistika (11 Nëntor 2020)

Raste të reja ditore                             507

Të shëruar ne 24 orë                          140

Të shtruar në spitale                           363

Humbje jete në 24 orë                                    11

Testime ditore                                    2384

Testime totale                        146,188

Raste pozitive                 25,801

Raste të shëruara          12,493

Raste Aktive                    12,718

Humbje jete                      590

Shpërndarja gjeografike e rasteve aktive sipas qarqeve:

Tiranë             6229

Durrës             1094

Fier                   971

Korçë              776

Shkodër            742

Elbasan             650

Lezhë                559

Vlorë             559

Berat             378

Kukës                 306

Gjirokastër        330

Dibër               124