“Numrin tuaj të telefonit e mora nga miku ynë Vuçiç”, ish-futbollisti serb publikon mesazhin që i ka dërguar Rama

Ish-futbollisti i njohur Sinisa Mihajloviç, i cili aktualisht mban postin e trajnerit të Bolonjës, ka botuar librin e tij autobiografik me titull “Ndeshja e Jetës”. Tema kryesore e librit trajton vuajtjet e tij me sëmundjen e leuçemisë. Ndër të tjera, në libër përmendet edhe një episod i cili ka për protagonist kryeministrin Rama. Panorama Sport, ka zbuluar mesazhin që Rama i ka dërguar trajnerit të Bolonjës, ndërsa shton se numrin ia ka marrë kryeministrit serb, Vuçiç, për të cilin thotë se e kanë mik të përbashkët.

Mesazhi i Ramës:

I dashur mister, jam Edi Rama, kryeministër i Shqipërisë, ish-lojtar i kombëtares shqiptare të basketbollit dhe një admirues i vjetër i Sampdorias së Vujadin Boshkovit. E mora numrin tënd të telefonit nëpërmjet mikut tonë të përbashkët, Alexander Vuçiç. Folëm për ju dje në mbrëmje këtu në Novi Sad. Kam dashur gjithmonë t’ju shprehja admirimin tim për egërsinë me të cilën po e përballoni armikun tuaj më të frikshëm të jetës, por edhe për t’ju thënë se pasi keni mundur shumë portierë direkt nga goditja e dënimit, ju me siguri jeni i zoti të mundni dhe hijen që është vendosur mes jush dhe portës suaj të së ardhmes. E di shumë mirë rrezikun që mesazhe të tilla solidariteti mund të bëhen të mërzitshme për një kokëfortë si puna juaj, por ju siguroj se ky i imi nuk është një mesazh i kësaj natyre. Përkundrazi, është një shprehje admirimi antik. Ju kërkoj ndjesë që nuk arrita t’ju shpreh më mirë ndjenjën e vlerësimit të lartë dhe simpatisë kundrejt jush, por nëse do duhej një dëshmitar, atëherë miku ynë i përbashkët mund t’ju sigurojë se, tashmë prej vitesh nuk ndodh asnjëherë që të mos flasim për ju si një figurë speciale në botën e futbollit. Duke ju uruar gjithë të mirat juve dhe të dashurve tuj, nuk po ju bezdis më me shpresën se një ditë do t’ju takoj personalisht./Panorama Sport