Ngjarja në mes të Tiranës/ Zhvillime të reja nga ekzekutimi i Jurgen Kurtit, ja çfarë ka ndodhur me 3 të akuzuarit

Pas vrasjes së Jurgen Kurtit mbrëmjen e 19 marsit 2019, Prokuroria e Tiranës ka vendosur të pushojë akuzat për 3 të arrestuarit.

Menaxheri i VIP-ave, i njohur për jetën e tij luksoze, u qëllua me breshëri plumbash në zonën afër shtëpisë së tij pranë sheshit “Wilson” në kryeqytet, sapo doli nga palestra.

Mësohet se është pushuar akuza për vrasje dhe pjesëmarrje në vrasje, për tre të akuzuarit Alesio Berberi, Olsi Qalliaj dhe Elis Levendi, si dhe për Klodian Banen, i njohur me nofkën “Buxhaku”. Bane nuk është kapur nga policia dhe dyshohej nga Prokuroria e Tiranës se ishte pikërisht ekzekutori i Jurgen Kurtit. Tashmë ndaj tij nuk ka më asnjë akuzë.

Ndërkohë, për Elis Levendin edhe pse është pushuar akuza për këtë vrasje, ai do të qëndrojë në burg për një tjetër vepër penale, atë të armëmbajtjes pa leje. Me pushimin e akuzës për tre të arrestuarit dhe Klodian Banen në arrati, vrasja e Jurgen Kurtit mbetet pa autor.