Në ‘luftë’ me COVID19/ Përkeqësohet gjendja e Koço Devoles, aktori i njohur futet në intubim

Një lajm tronditës vjen për artin shqiptar.

Mësohet se aktori i njohur i humorit Koço Devole është infektuar nga COVID19.

Sipas burimeve ai ndodhej prej disa ditësh i shtruar në Spitalin Infektiv.

Bëhet me dije se pas përmirësimit ai e kishte lënë dje spitalin, por situata shëndetësore është përkeqësuar dhe e kanë rikthyer me urgjencë duke e vendosur në intubim.

Aktori vuan dhe nga sëmundje të tjera bashkëshoqëruese, të cilat e bëjnë situatën dhe më shqetësuese.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Prej mbrëmjes së djeshme, aktori dhe regjisori po lufton për të fituar betejën me virusin e rrezikshëm.

Koço Devole është një nga personalitet më të njohura të humorit shqiptar. Përveçse është një aktor i shkëlqyer humori, Devole është karikaturist, skenarist, regjisor dhe prezantues spektaklesh. Rolet e tij në skene dhe ekrane janë nga më të njohurit për publikun shqiptar.