“Ne do të fitojmë” Trump nuk e njeh humbjen, paralajmëron sërish: Ja çfarë ndodh javën tjetër

Më datë 4 nëntor në SHBA u zhvilluan zgjedhjet presidenciale.

Gara ishte e fortë, mes kandidatit demokrat Joe Biden dhe atij republikan Donald Trump.

Ndërkohë edhe pse Biden është shpallur fitues deri më tani nga projeksionet amerikane, duket se presidenti aktual Trump nuk e pranon humbjen.

Ai është shprehur se ka patur vjedhje votash dhe manipulime dhe nuk ka pranuar rezultatet në disa zona duke kërkuar rinumërim.

Presidenti ka postuar një status në rrjetet sociale ku shkruan: “Ne do të fitojmë”.

Sipas tij rezultatet rezultatët do të jenë gati javës që vjen.

“Po bëjmë progres të madh. Rezultatet do të nisin të dalin nga java tjetër. Do ta bëjmë Amerikën të madhe sërish!” , shkruan Trump.

Momentalisht Biden ka 279 mandate nga 270 që i duheshin për të fituar, ndërsa Trump ka 214 mandate.

Tre zona akoma nuk kanë shpallur rezultatet përfundimtare.