Ndërpritet numërimi i votave në SHBA, çfarë po ndodh me Trump?

Gjykata i ka dhënë të drejtë Donald Trump, pas kërkesës së tij për pezullimin e numërimit të votave të dërguara me postë në qarkun Allegheny në Pensilvani.

Bëhet fjalë për rreth 29,000 fletë-votimi të diskutueshme, të cilat pretendohet se janë të shtypura gabimisht, ndërsa 6000 të tjera nuk i njeh skaneri, ndërkohë që pezullimi do të jetë deri ditën e nesërme.

Më herët presidenti Trump përmes një postimi në rrjetet sociale shkroi “fitore ligjore në Pensilvani”, duke nënkuptuar se nuk do t’i pranonte votat me postë.

Ndërkohë ai ka akuzuar se votat me psotë janë të manipuluara, ndërsa ka thënë se ka prova të cilat do t’i paraqesë para gjykatës.