“Mos u merrni me…” Thirrja e Manastirliut: Ja si duhet të veprojnë pacientët e infektuar me koronavirus

Një paralajmërim i rëndësishëm vjen nga ministrja e Shëndetësisë Ogerta Manastirliu.

Ajo u drejtohet të gjithë qytetarëve të infektuar me C.OVID19 që ti drejtohen mjekut të familjes dhe më pas janë këta të fundit që do të bëjnë vlerësimin e tyre nëse do të duhet të shkojnë në spital apo të trajtohen në kushte shtëpie.

Ministrja thekson që njerëzit të mos marrin më receta në Whatsapp dhe as të shkojnë te mjekët që nuk e njohin problematikën.

“Është e rëndësishme që të ndiqen pacientët, por edhe rastet e dyshuara. Një thirrje për qytetarët që të komunikojnë me mjekuan e familjes dhe të ndiqeni nga mjeku dhe të merrni terapinë e mjekimit nëse keni nevojë.

1.2 mld lekë janë vendosur në buxhetin e shtetit për të mbështetur qytetarët e prekur. Kjo është një mbështetje më shumë në mënyre që të kemi mundësi të lehtësojmë ato pagesa që vijnë nga buxhetet familjare.

Nuk vlejnë recetat e  Whatsapp, nuk vlen të shkosh tek mjekët që nuk e njohin problematikën. Ne na duhet të punojmë më shumë me qytetarët për të patuar besimin tek mjeku i familjes”, tha Manastirliu.