LIGJET E BIZNESIT
Pak pasi kryedemokrati Lulzim Basha bëri publikisht pyetjen se përse qeveria nuk hap spitalin COVID4, ka ardhur përgjigja e menjëhershme e kryeministrit Edi Rama.
Me anë të një reagimi në rrjetet sociale, Rama i drejtohet Bashës duke thënë se nuk duhet të fshihet më pas COVID-it.
Gjithashtu, kreu i qeverisë kalon në një temë tjetër, atë të votimit të raportit të Dick Marty, i cili fliste për Shtëpinë e Verdhë ku sipas tij kryheshin transplante organesh.
“Lulëzim! Mos u fshih pas Covidit dhe lëri akuzat për ata që po luftojnë përditë në vijën e parë kundër virusit, po përgjigju për faktin që ke qenë bashkë me mjekun peruan në bërjen e dosjes për Shtëpinë e Verdhë!E thuaje cfarë mendon për votën e PD-LSI pro raportit të Dick Marty!”, shkruan Rama.
Kujtojmë se Rama reaguar për këtë çështje dhe pak orë me herët, ku i kërkonte dhe presidentit Ilir Meta qëndrimin e tij për këtë dosje dhe pse votoi pro saj.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
“Ilir a mund t’ia thuash shqiptarëve pse e votove pro raportin e Dick Marty, bashkë me Saliun kur ne e votuam kundër? Po ti Lulëzim a e sqaron dot çfarë dosje ke përgatitur për sajesën e Shtëpisë së Verdhë bashkë me mjekun peruan që dëshmon se ti ke mbledhur dëshmitë bashkë me të?”, shkroi Rama.
