LIGJET E BIZNESIT
Ish-drejtori i Institutit të Shëndetit Publik Besnik Jakaj ka bërë së fundmi një denoncim të fortë.
Ai është shprehur i shqetësuar për personat i infektuar me virus të cilët po mjekohen në kushte shtëpie dhe po trajtohen me telefonata dhe Whatsapp.
“Ka shumë që janë në oksigjenoterapi në kushte shtëpie, por këtë gjë në rastin më të keq duhet ta monitorojë mjeku kurse në rastin më të mirë re minatori, por vetë qytetarë trajtohen me këtë terapi pa bërë një bilanc”, deklaroi mjeku.
Jakaj ka deklaruar se qeveria nuk e ka menaxhuar mirë situatën e pandemisë dhe se një nga gabimet më të rënda ishte mos përfshirja e mjekut të familjes dhe mos testimi masiv.
“Ka një keq-menaxhim. Në mënyrë të vazhdueshme qeveria kanë bërë më shumë propagandë dhe kanë bërë menaxhim të centralizuar. U vonua përfshirja e mjekut të familjes. Nuk ka pasur testim masiv pasi kjo do të sillte ndërprerjen e përhapjes masive”, tha ai.
Ish-kreu i ISHP-së shtoi se kemi kolaps spitalor sa i takon trajtimit të pacientëve duke theksuar se nuk është vetëm çështje shtretërish.
“Ka shkuar në një kolaps në kuptimin e plotë sistemi spitalor sepse nuk mjaftojnë spitalet co vid-1, co vid-2 dhe co vid-3, nuk është çështje shtretërish, por është çështje menaxhimi. Trajtimi i pacientëve në spitalet rajonale nuk do të krijonte këtë hinkë në spitalet co vid dhe nuk do të krijonte këtë panik në popullatë që presin me orë të tëra në ambulancë. E gjitha është një keq menaxhim”, u shpreh Jakaj gjatë një interviste për “Euronews Albania”.
