Mbyllet Kapshtica por del njoftimi për Kakavijën: Ja sa persona do lejohet të kalojnë në ditë, kushtet që duhet të plotësojnë

Duke filluar nga ora 06.00 e mëngjesit të sotëm pika e Kalimit Kufitar të Kapshticës është mbyllur dhe do hapet më datë 4 dhjetor 2020.

Ndërkohë mësohet se deri në këtë ditë nuk do të lejohen as hyrjet dhe as daljet nga Greqia, për të gjitha kategoritë.

Por kalimi vijon të jetë i hapur në Kakavijë dhe sipas Ministrisë së Jashtme dhe aty do të ketë kushtëzime.

Ata bëjnë të ditur se kushdo që ka hyrë nga kjo pikë në territorin grek para orën 6:00 të ditës së sotme, duhet të vetëkarantinohet një javë. Lejohet kalimi i njerëzve, automjeteve, kamionëve në Kakavijë. Në rast kalimi, aplikohet vetëkarantinim i detyrueshëm një javor pavarësisht shtetësisë dhe në rast shkelje, do të aplikohet gjobë prej 5000€. Orari i lëvizjes në Kakavijë është 7:00- 23:00 dhe vetëm 750 persona lejohen të kalojnë në ditë.

MESAZHI I PLOTË

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Nisur nga njoftimi zyrtar i Autoriteteve të Policisë Greke në PKK Kapshticë, që prej datës 20.11.2020 ora 06:00 deri në datë 04.12.2020 ora 23:59, Pika e Kalimit Kapshtice do të jetë TOTALISHT e MBYLLUR për këmbësorët, automjetet, autobusët dhe kamionët si në hyrje ashtu dhe në dalje të Greqisë!
1. Ndalohet kalimi në PK Kapshticë. Kushdo që do hyjë nga kjo pikë në territorin grek deri në (20.11) në orën 6:00 duhet të vetëkarantinohet 1 javë.
2. Lejohet kalimi i njerëzve, automjeteve, kamionëve në Kakavijë. Vetekarantinim i detyrueshëm 1 javë pavarësisht shtetësisë. Penalitete: 5000€ në rast shkelje.
3. Orari i lëvizjes në Kakavijë 7:00- 23:00. Limiti 750 persona.
4. Kush hyn në Greqi për nevoja absolute pune dhe del nga territori i saj, nuk ka mundësi më të hyjë deri në përfundim të afatit të vendimit.
4. Afati i vendimit 20.11- 4.12.2020