LIGJET E BIZNESIT
Shifrat e larta të infektuarve dhe vendimi më i fundit i Komitetit Teknik të Ekspertëve për të ndaluar grumbullimet në ambientet e mbyllura të më shumë se 10 personave, ka ndikuar dhe në punimet e Kuvendit.
Mësohet se seancat në sallë janë pezulluar dhe puna do të kalojë online duke nisur që sot.
Kështu, kryetari i Kuvendit, Gramoz Ruçi i ka kërkuar Komitetit të Ekspertëve një deklarim për vijimësinë e seancave. Paraprakisht mësohet se puna do të vijojë normalisht në komisionet parlamentare që do të zhvillojnë seancat online.
Kujtojmë se kjo është hera e dytë që Kuvendi hyn në “karantinë”. Edhe në muajin mars, pas nisjes së masave shtrënguese në vend, Parlamenti pezulloi për dy muaj punimet në seancën plenare.
NJOFTIMI I KUVENDIT:
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Në zbatim të Vendimit të Komitetit Teknik të Ekspertëve të datës 17.11.2020 dhe të Urdhërit të Ministres së Shëndetësisë dhe Mbrojtjes Shoqërore nr. 633, datë 17.11.2020 “Për ndalimin e grumbullimeve në vende të mbyllura apo të hapura”, Kryetari i Kuvendit vendosi që të mos zhvillohet seanca plenare e Kuvendit të Shqipërisë, e planifikuar për ditën e enjte, datë 19 nëntor 2020. Në respekt të zbatimit të këtyre masave, Kryetari i Kuvendit, z. Gramoz Ruçi, i është drejtuar Komitetit Teknik të Ekspertëve dhe Ministres së Shëndetësisë dhe Mbrojtjes Shoqërore, znj. Ogerta Manastirliu, për të bërë një interpretim lidhur me vazhdimin e seancave plenare të Kuvendit. Puna në komisionet parlamentare vazhdon online.
