“Leshi nuk të bën burrë” Pas telasheve me drejtësinë, Fjolla Morina ‘thumbon’ hapur ministrin e Brendshëm

Edhe pse ende ka një proces të hapur gjyqësor në Shqipëri, duket se Fjolla Morina nuk po i lë pas dore dhe ngjarjet politike në Kosovë.

Ajo njihet publikisht si mbështetëse e lëvizjes “Vetëvendosje” dhe për pasojë fitorja e Shpejtim Bulliqit dje në Podujevë, mesa duket e ka entuziasmuar.

Këngëtarja ka bërë një reagim, ku ka shkruar një ‘thumb’ për ish-kryetarin e Podujevës Agim Veliu, i cili është njëkohësisht dhe ministër i Brendshëm i Kosovës.

“Ehh Leshi nuk t’bon burrë” shkroi Fjolla, duke iu referuar mustaqeve të ‘famshme’ të Veliut.

Podujeva ka qenë bastion historik i LDK-së, dhe fitorja e Vetëvendosjes, është një ogur i mirë për këtë forcë politike, dhe për atë që e pret në zgjedhjet e ardhshme në Kosovë.