Ky është virusi më i madh nga i cili duhet të mbrohemi të gjithë

Kur dëgjojmë për viruse, mendja na kthen në të gjitha ato patologji, pak a shumë serioze, të shkaktuara nga një entitet biologjik parazitar që depërton në organizmat njerëzore, shtazore dhe bimorë dhe riprodhohet brenda tyre. Sidoqoftë, për të na mbrojtur nga pasojat e një infeksioni është ilaçi, i cili së bashku me shkencën, punon për të gjetur trajtime dhe vaksina.

Megjithatë, ekziston një virus tjetër, i cili përhapet më shpejt se çdo grip viral dhe i cili, nëse nuk ndalet, është i destinuar të lërë një trashëgimi shumë të rëndë për brezat pasardhës. Bëhet fjalë për narcizmin kolektiv.

Një fenomen që ndërfutet në heshtje në shoqëri dhe përhapet si zjarr, që shkakton viktima dhe rekruton xhelatë, i cili lartëson disa grupe shoqërore në vend të disa të tjerëve, që rrit padrejtësitë dhe pabarazitë gjinore dhe që gradualisht shkërmoq, kuptimin e identitetit të përbashkët.

Dhe mund të gjejë tokë pjellore në çdo fushë, që nga sportet, te profesionet, te gjinia, te orientimi seksual dhe pastaj, vendndodhjen gjeografike. Këto janë pika fillestare për të përcaktuar një shkallë treguesish sipas të cilave disa njerëz janë më mirë se të tjerët.

Një besim që, nëse ka të bëjë vetëm me një qytetar, nuk mund të shkaktojë dëme, por që, nëse bëhet pjesë e grupeve shoqërore me bindje, mund të shndërrohet në diçka jashtëzakonisht të dëmshme. Sepse gjithçka lind kështu, nga një krenari personale e cila më pas bëhet kolektive dhe shndërrohet në intolerancë ndaj kritikës, e gjithçkaje që lidhet me mendimin ose veprimin e një grupi të veçantë.

Dhe kujdes, mos ngatërroni krenarinë për diçka të caktuar, me narcizmin kolektiv, sepse ky fenomen merr dimensione të tjera dhe drejtohet nga një ndjenjë që sigurisht nuk është e shëndetshme. Rreziku është ai i qëndrimeve të intolerancës ose dhunës ndaj grupeve të tjera shoqërore, të cilat nuk konsiderohen të barabarta. Dhe historia, për fat të keq, na mëson se sa i trishtuar dhe i vërtetë është ky realitet.

Zakonisht, narcizmi kolektiv lind nga grupe njerëzish që kanë të përbashkët, një besim të dukshëm në atë që besojnë dhe veprimet që kryejnë, të vënë në lëvizje nga një frymë e caktuar epërsie. Dhe është e çuditshme nëse mendojmë se, një studim i kryer në Universitetin e Varshavës, ka treguar se këto grupe shoqërore zakonisht përbëhen nga njerëz me një pamjaftueshmëri të madhe personale dhe të cilët përdorin këtë formë të narcizmit, për të mbushur boshllëkun e tyre.

Me një fjalë, qëndroni larg narcistëve, veçanërisht nëse ato shfaqen në grupe!/ bota.al