LIGJET E BIZNESIT
Koronavirusi i ka marrë jetën kryetarit të Dhomës së Avokatëve në Berat, Agron Mahmutaj.
Ai ndodhej në spital prej javësh i intubuar, pas infektimit me COVID19.
Mahmutaj nuk ka mundur dot të fitojë betejën me virusin e rrezikshëm dhe ka ndërruar jetë ditën e djeshme në moshën 51-vjeçare.
Fillimisht ai u shtrua në Repartin e Karantinës në Spitalin Rajonal të Beratit,ku u mbajt disa ditë në oksigjenim. Pas përkeqësimit të gjendjes së tij shëndetësore ai u dërgua në Tiranë,ku qëndroi për dy javë i intubuar në spitalin “Shefqet Ndroqi”.
Kryetar i Dhomës së Avokatëve të Beratit që prej 2017, Mahmutaj pësoi një përkeqësim të menjëhershëm por ditën e djeshme gjendja e tij shëndetësore u agravua dhe dje ai ndërroi jetë. Mësohet se avokati Mahmutaj kishte edhe sëmundje bashkëshoqëruese,ai vuante nga diabeti dhe vite më parë kishte hequr edhe njërën veshkë.
Largimi i tij nga jeta ka tronditur jo vetëm familjarët por edhe kolegët e tij avokatë,prokurorë e gjyqtarë në Berat,që e përshkruajnë atë në dedikimet e tyre të shumta shgushëlluese jo vetëm si një njeri të drejtë dhe të ndershëm por edhe si një baba dhe mik shembullor.
