‘Kishte shumë gra’ Habit Sazan Guri, tregon çfarë i ndodhi në studion e Pëllumb Piperos

Ambientalisti i njohur Sazan Guri njihet për deklaratat e forta që lëshon herë pas here.

Së fundmi, ai ka treguar një histori që i ka ndodhur në studion e doktor Pëllumb Piperos, që padyshim ka shkaktuar shumë të qeshura.

I ftuar në programin “Roped with Olsi”, Guri ka deklaruar se C*vid19 nuk infekton vajzat dhe gratë nga mosha 15 deri 45-vjeçe, pasi lidhet drejtëpërdrejt me jogan.

“Piperos i jam betuar për një gjë kur vajta te studio e tij kishte shumë gra dhe unë kam një bindje tjetër nga joga se vajzat dhe gratë 15 deri 40-45 vjeçe nuk i kap covidi. Të lutem thuaje me zë të lartë, i thash. Atij i interesonte të kishte sa më shumë pacientë të frikësuar, të trembur, të tromaksur. Ishte një zonjë atje, dhe më tha, mos i rri afër djalit tim. Ca thua i thash, unë e ha covidin, e shkërrmoq. Edhe ajo më shikonte kështu. O moj nuk e beson ti, unë e kam shkërrmoqur, kam takuar 2 mijë plaka, kam ndarë ndihma. Jam puthur me plakat sa të duash ti”, ka treguar ai ndër të tjera.