“Kemi vetëm 48 orë kohë” Ministri italian i Shëndetësisë bën gati masat shtrënguese: Situata është e tmerrshme

Ditën e sotme ministri i Shëndetësisë në Itali Roberto Speranza ka bërë një deklaratë të fortë.

Sipas tij të dhënat e reja për koronavirusin janë të tmerrshme dhe vendi ka vetëm dy ditë kohë për të miratuar kufizimet e mëtejshme për të frenuar përhapjen e tij.

Të shtunën, Italia regjistroi pothuajse 32,000 raste të reja të koronavirusit, rekordi i saj më i lartë ditor që nga fillimi i krizës dhe pak më shumë se 300 vdekje. Numri i përgjithshëm i njerëzve që kanë vdekur për shkak të COVID-19 në Itali është tek 38,618.

“Ne kemi 48 orë kohë për të provuar që të miratojmë një shtrëngim të mëtejshëm (të rregullave), se ka shumë njerëz rrugëve,” u citua të thoshte Ministri i Shëndetësisë Roberto Speranza nga e përditshmja Corriere della Sera.

Një bllokim i ri, megjithëse jo aq i zgjatur sa ai i vendosur në mars, u duk të ishte opsioni i vetëm për të frenuar infeksionin, tha ai, por ka ende dyshime se si të menaxhohen shkollat dhe të përmirësohen kushtet në transportin publik.

“Kurba epidemiologjike është akoma shumë e lartë. Ajo që më shqetëson më shumë janë të dhënat absolute, të cilat tregojnë një kurbë të tmerrshme, ”tha Speranza.