“Kalova në depresion” Zhaku tregon arsyen pse u nda nga bashkëshorti gjerman pas 7 vitesh martesë

Aktorja shqiptare Inida Gjata, e njohur ndryshe si Zhaku ka rrëfyer së fundmi një periudhë të vështirë që ka kaluar në jetën e saj.

Ajo ka folur për ndarjen nga bashkëshorti gjerman Kristian, pas 7 vitesh martesë.

Zhaku zbuloi se lidhja u bë paksa toksike dhe e ndikuar nga gjendja depresive që po kalonte, pasi ndihej jo e realizuar në botën e artit, arriti në vendimin që të ndahej me të.

“U bë paksa toksike marrëdhënia. Më e bukura është ama që ashtu më dukej mua atëherë. Të dyve na dukej ashtu, sepse ishte një lloj konsensusi që e arritëm bashkë. Por kur je bashkë edhe zihesh, filloi të ketë një lloj krisje.

Për të mos shkatërruar nervat, edhe unë po kaloja një gjendje depresive, nuk po ndihesha e realizuar nga ana artistike, kisha hequr dorë nga shfaqet në teatër. Kur nuk të sjell rezultate, është e gjithë ajo punë.

Ajo ndarja na bëri shumë mirë, për të kuptuar dhe për të gjetur ekuilibrin, për të studiuar veten. Kisha nevojë për të parë se ku arrija unë vetë. Kisha nevojë të shikoja veten time pa Kristianin”, tha Zhaku.