LIGJET E BIZNESIT
Prej pothuajse një viti, pandemia COVID19 ka pushtuar të gjithë botën.
Por duket se jo të gjitha shtetet janë duke u përballuar me një situatë të rënduar.
Kështu, mësohet se në Australi ka pesë muaj pa patur asnjë rast të ri të infektuar me koronavirus.
Ministri Federal i Shëndetësisë, Greg Hunt, njoftoi se për herë të parë në vend që nga 9 qershori, nuk është regjistruar asnjë rast me COVID-19, sipas rezultateve të testeve në 24 orët e fundit nga shtetet dhe rajonet e vendit.
“Sot kemi zero raste të infektimit në komunitet në gjithë Australinë. Faleminderit shërbimit tonë të mrekullueshëm shëndetësor, punonjësve tanë të shëndetit publik dhe, mbi të gjitha, popullit të Australisë”, postoi Hunt në llogarinë e tij në Twitter.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Kujtojmë se Australia mbylli kufijtë që në muajin mars për shtetasit e huaj, me përjashtim të atyre me leje të përhershme banimi.
Deri më tani ky shtet ka regjistruar 907 të vdekur si pasojë e koronavirusit. Që nga shfaqja e rastit të parë më 25 janar, në Australi janë infektuar gjithsej 27.596 persona deri më tani, kurse 25.098 janë shëruar.
