“Jam i shokuar, zemra s’ka fjalë” Agron Llakaj reagon i pikëlluar për Koço Devolen: Nuk e pranoj dot faktin që s’do jesh më

Të shumtë kanë qenë mesazhet e ngushëllimit në rradhën e figurave të njohura për ndarjen nga jeta të aktorit të humorit Koço Devole.

Një prej tyre është dhe kolegu i tij Agron Llakaj, i cili ka bërë një dedikim prekës për humbjen e artistit të madh.

Llakaj shprehet se sot humori nuk e ka më Gjeneralin dhe se dimensioni i tij artistik ishte i pakrahasueshëm dhe fisnik.

“Mund te gjeja nje fotografi me te bukur,por ky karakter yti me con te Chaplin….,sa aktor i bukur,sa komik,skenarist e regjisor,karikaturist me shije te holle,ishe gjithcka qe mjeshteria e humorit kerkon.Kush si ty?!Humori sot humbi Gjeneralin , e kam thene dhe do ta them sa Zoti te me jap fryme dhe jete….Dimensioni Yt artistik i pakrahasueshem,elegant dhe fisnik,aktor papioni .Shqiptaret te kane shijuar ne vite e vite….dhe sot ti ndalove ,ndalove per te nisur udhetimin e pakthyeshem drejt Zotit.I dashur Koco ! Ikja jote eshte dhimbje per kedo qe ka buzeqeshur e qeshur me Ty!Per mua ishe i vecante,zemra ska fjale,jam i shokuar dhe nuk e pranoj dot faktin se ti nuk do te jesh me.Koco! Ti kam thene me gjallje dhe skam pishman….Ti je Perandori i fundit i humorit shqiptar! Lamtumire i Madh! Lamtumire Gjigand !Qofsh i Zotit!Dua kohe ta besoj se eshte e vertet qe ke ikur,” shkruan Llakaj.