Jakup Krasniqi në Hagë/ Nis gjyqi ndaj ish-kryeparlamentarit të Kosovës, ja akuzat që rëndojnë mbi të

Ka nisur seanca në Hagë ndaj ish-kryeparlamentarit të Kosovës Jakup Krasniqi.

Ky i fundit ka dalë para Dhomave të Specializuara ku akuzohet për krime lufte bashkë me 3 drejtues të tjerë të UÇK-së, Hashim Thaçi, Rexhep Selimi dhe Kadri Veseli.

Teksa u pyet nga gjykatësi i procedurës paraprake për emrin dhe vendlindjen, Krasniqi ka deklaruar “Jam Jakup Krasniqi, nga Kosova, jam kosovar.”

Ai është shprehur ndër të tjera se po i bëjnë një padrejtësi të madhe.

“Unë dua të them dy tre çështje dhe do të përpiqem ti them goxha shkurtër. Së pari; dua të them këtu se unë jam arrestuar më 4 nëntor 2020 në aktakuzë po na quani; ndërmarrje kriminale të përbashkët. Dua të deklaroj sot se; kurrë në jetën time në asnjë rast të vetëm, nuk i kam trajtuar njerëzit as kaq e as se si më trajtuat mua nga ndërtesa e burgut deri në këtë ndërtesë.

Kurrë në jetën time. Kurrë s’kam trajtuar njerëz në këtë mënyrë se nuk ka qenë qëllimi im kështu, në luftën e gjenocidit serb në Kosovë. E ndjej veten më shumë se mirë dhe kurrë nuk do të dëshiroja që të isha nën petkun e njerëzve që kanë shpirt krimineli. Jam intelektual dhe jam njeri që politikisht e kam luftuar Serbinë.

Sot nuk dua të zgjatem shumë por dua tju them që kam qënë i dënuar nga regjimet kriminale të Jugosllavisë 1981-82, më dënuan pse kam lexuar libra, pse kam fol pse e kam kundërshtuar atë regjim. Me shumë të drejtë kanë pasur ata se sa ju, më është bërë padrejtësi e madhe. Njeriu është më i fortë se guri, atë që se bën guri e bën njeriu, themi ne. Nuk kemi pas nevojë për këtë padrejtësi, në seancat e tjera unë do të them dhe më shumë.”, ka deklaruar ai nder te tjera.

Në seancën e sotme i akuzuari, në këtë rast Jakup Krasniqi, njihet vetëm me akt-akuzën dhe para gjykatësit të procedurës paraprake pranon se e ka marrë atë në gjuhën që kupton dhe shkruan. Pas 30 ditësh ai do të dalë përsëri para

Akuzat:

1-Përndjekje, krim kundër njerëzimit
2- Burgosje, krim kundër njerëzimit
3- Ndalim arbitrat, krim lufte
4- Akte çnjerëzore, krim kundër njerëzimit
5- Trajtim miozor, krim lufte
6- Torturë, kim kundër njerëzimit
7- Torturë, krim lufte
8- Vrasje, krim kundër njerëzimit
9- Vrasje, krim lufte
10- Zhdukje me forcë e personave, krim kundër njerëzimit

Sekretarja e seancës ka thënë se këto klrime u kryen sipas akt-akuzës nga prilli 1998 deri në gusht 1999, në Kosovë dhe në Shqipërin verore.

Vendet:

– Llapashticë, Potok, Drenoc, Malet e Berishës, Ferizaj, Gjilan, Jabllanicë, Lipjan, Malishevë, Skënderaj, Shpella e Bojakës, Novobërd, Prishtinë, Prizren, Suharek, Vitisë. (Mungojnë disa vende, nuk dëgjoheshin qartë).

– Cahan dhe Kukës, në Shqipërinë veriore.