LIGJET E BIZNESIT
Arrihet marrëveshja mes përfaqësuesve të naftëtarëve të Ballshit dhe kryeministrit Edi Rama për ndihmën që qeveria do japë deri në rifillimin e punës në rafineri.
Sipas kësaj marrëveshjeje, naftëtarët do të përfitojnë nga 400 mijë lekë të vjetra çdo muaj, ndërkohë që në 2 muajt e parë do të merren nga 2 paga.
Pas takimit ka folur dhe kryetari i sindikatës së naftëtarëve Sokol Dautaj duke thënë se kanë mbetur të kënaqur nga kjo marrëveshje.
Ai shtoi ndër të tjera se Rama u premtoi që një kompani serioze është interesuar për të rifilluar punën në rafineri.
“Pas takimit të dytë të bërë me Ramën, u parashtruan problematikat e mbartura ndër vite, nuk arrit një marrëveshje për të. Kaluam te pika e dytë për një mbështetje financiare, kemi arritur dakordësinë që të jepen 40 mijë lekë në muaj për 12 muaj dhe të paguhen sigurimet shoqërore të pagave që do të marrim. Jemi të kënaqur me zgjidhjen e dytë. Ne kërkuam një kompromis që duke parë hallet tona, kërkuam që të merren paga 2 e nga dy, pra 4 paga që do na jepen 2 këtë muaj dhe dy muajt e tjerë. 870 naftëtarë do të përfitojnë”, tha kreu i Sindikatës, Sokol Dautaj.
