“Isha i tmerruar” Rama lexon SMS-në e personazhit të njohur që i trembej spitaleve: Më në fund fjeta rehat

Ditën e sotme kryeministri Edi Rama ishte i pranishëm në një aktivitet në Vlorë.

Ai sulmoi opozitën në lidhje me akuzat mbi menaxhimin e pandemisë.

Sipas kreut të qeverisë opozita është duke tmerruar njerëzit duke thënë se nuk ka vende në spitale. Mes të tjerash ai lexoi mesazhon e një personaliteti të njohur të cilit nuk ia zbuloi emrin, që i kishte thënë se kishte fjetur rehat, pasi kryeministri publikoi pamjet nga spitalet C.ovid.

“Më në fund fjeta rehat, kur pashë pamjet reale, se isha i tmerruar se nuk ka një shtrat për mua nëse do më duhet”, më shkruante tha Rama, ndërsa vijoi se “Kjo është opozita. Është për të ardhur keq për derdimenët që i ndjekin dhe i besojnë. Urrejtja, mllefi, zilia, dëshpërimi kanë avancuar përtej çdo limit në shpirtin dhe në mendjen e kësaj opozite. Flasin për teste, e çmendën miletin, ndërkohë që sot askush nuk i përgjigjet pyetjes se pse vendet që bëjnë më shumë teste nuk e kanë ndaluar armikun e padukshëm”.