I sëmuri dergjet në derën spitalit e C*vid 2 në Tiranë (Video)

Ish-deputeja e PD, Grida Duma ka publikuar videon e një të sëmuri që dergjej në dyert e spitalit Covid 2.

Duma nuk ka ngurruar të hedhë akuza ndaj kryeministrit Rama dhe qeverisë të tij. Ajo shprehet se Rama nuk ka asnjë interes për shëndetin e shqiptarëve, por sipas saj, ka sy, veshë e duar për vjedhjet me PPP-të në shëndetësi e në inceneratorë.

“Shqiptarët po dergjen dyerve të spitaleve, ky palo kryeministër del bën propagandë në “primetime”. I panginjur me pushtet, i pangopur në korrupsion, shfrytëzon çdo hapësirë të shesë gënjeshtrën sa më shtrenjtë. Nuk ka asnjë interes për shëndetin e shqiptarëve, ka sy, veshë e duar për vjedhjet me PPP në shëndetësi e në inceneratorë. Shqiptarët nuk mund të dergjen e zvarriten dyerve të një pushteti që pasi i zhvat i shkelmon më pas i lë jashtë.

Mos kini asnjë iluzion se jep ndihmë kjo qeveri e marrë fund. Merrni fatin tuaj në duar, për veten, fëmijët dhe familjen. Mos i besoni më asnjë fjalë! Denonco, shpërndaje këtë video”, shkruan Duma.

KLIKO KETU PER TE PARE VIDEON

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern